ಗೆಲುವು

*ಗೆಲುವು*

ಹತ್ತು ಹತ್ತು ಇಪ್ಪತ್ತು
ಓಟದ ಆಟವು ನಡೆತಿದ್ದು|

ಇಪ್ಪತ್ತು ಹತ್ತು ಮುವತ್ತು
ಆಮೆ ಮೊಲಕೆ ಓಟವು ನಡೆದಿತ್ತು

ಮುವತ್ತು ಹತ್ತು ನಲವತ್ತು
ಮೊಲವು ಓಟದಿ ಮುಂದಿತ್ತು

ನಲವತ್ತು ಹತ್ತು ಐವತ್ತು
ಆಮೆಯು ಮೆಲ್ಲಗೆ ನಡೆದಿತ್ತು

ಐವತ್ತು ಹತ್ತು ಅರವತ್ತು
ಮೊಲವು ಮರದಡಿ ಮಲಗಿತ್ತು

ಅರವತ್ತು ಹತ್ತು ಎಪ್ಪತ್ತು
ಆಮೆಯು ಗುರಿಯನು ಮುಟ್ಟಿತ್ತು

ಎಪ್ಪತ್ತು ಹತ್ತು ಎಂಬತ್ತು
ಮೊಲಕೆ ಎಚ್ಚರವಾಗಿತ್ತು

ಎಂಬತ್ತು ಹತ್ತು ತೊಂಬತ್ತು
ಆಮೆಯು ಆಟದಿ ಗೆದ್ದಿತು

ತೊಂಬತ್ತು ಹತ್ತು ನೂರು
ಈಕಥೆ ನೀತಿಯ ಸಾರು ||

✍ವೆಂಕಟೇಶ ಚಾಗಿ
ಲಿಂಗಸುಗೂರ